Թուրքիայի կողմից ռուսական Ս-400 ՀՕՊ համակարգեր գնելը խախտում է ԱՄՆ օրենքը եւ ՆԱՏՕ-ի անդամ երկրի նկատմամբ ավտոմատ կերպով պատժամիջոցների սահմանում ենթադրում։ Այս մասին ԱՄՆ նախագահ Դոնալդ Թրամփի վարչակազմին հղված նամակում հայտարարել է դեմոկրատ սենատոր Բեն Քարդինը, փոխանցում է Politico-ն։
Սենատորը զգուշացնում է, որ Անկարայի Անկարայի կողմից Ս-400-ներ գնելը խախտում է Ռուսաստանի դեմ կոնգրեսի պատժամիջոցները ։ Օրենքի համաձայն՝ պատժամիջոցները տարածվում են «բոլորի վրա, ովքեր գործարք են կնքում ՌԴ-ի պաշտպանական կամ հետախուզական բնագավառների հետ»,-գրում է Քարդինը։
«Այդ պարտադիր պատժամիջոցները ապագայում ԱՄՆ-ի եւ նրա դաշնակիցների վրա Ռուսաստանի հարձակումը զսպելու Միացյալ Նահանգների պարտավորվածությունն է»,-ասվում է Քարդինի՝ պետքարտուղար Ռեքս Թիլերսոնին եւ Ֆինանսների նախարար Սթիվ Մնուչինին ուղղված նամակում։
«Ցավոք, որպես ԱՄՆ դաշնակից՝ Թուրքիան այս կրիտիկական պահին Մոսկվայի կողքին է»,-հավելել է Քարդինը։
