Ադրբեջանում Դեմոկրատական կուսակցության վարչության անդամներին ոստիկանություն են կանչել սեպտեմբերի 23-ին Դեմոկրատական ուժերի ազգային խորհրդի հանրահավաքին մասնակցելու կապակցությամբ։ Այս մասին Turan-ին հայտնել է կուսակցության առաջնորդ Սարդար Ջալալօղլուն։
Նրա խոսքով՝ ոստիկանություն են կանչել կուսակցական գործիչ Նուրադդին Իսմայիլին, կուսակցության առաջին փոխնախագահ Հասրաթ Ռուստամովին, Կուսակցության վարչության անդամ Զաքիր Հուսեյնովին։ «Ոստիկանությունը չարաշահում է իր լիազորությունները, խախտում է քաղաքացիների իրավունքները։ Սեպտեմբերի 23-ի հանրահավաքը արտոնել էր Բաքվի գործադիր իշխանությունը, ուստի օրինական ակցիայի մասնակիցներից որեւէ բացատրություն պահանջելն անթույլատրելի է»,- ասել է Ջալալօղլուն։
Հանրահավաքն ընթացել էր «Ո՛չ թալանին» կարգախոսով եւ նվիրված էր պետական միջոցների վատնման դեմ պայքարին ու օտարերկրյա գործիչներին կաշառելուն։
Ազգային խորհրդի հերթական նիստը նշանակվել է հոկտեմբերի 7-ին։