Ռուսաստանի նախագահ Վլադիմիր Պուտինը Ադրբեջանի նախագահ Իլհամ Ալիեւին ջերմ ողջույններ է հղել: Այդ մասին Բաքվում Ալիեւի հետ հանդիպման ժամանակ հայտարարել է ՌԴ ԱԳ նախարար Սերգեյ Լավրովը, հաղորդում է «ՌԻԱ Նովոստին»:
Նրա խոսքով՝ Ռուսաստանը հավատարիմ է Ադրբեջանի հետ բոլոր պայմանավորվածությունների իրականացմանը:
«Մենք նաեւ գոհունակությամբ նշում ենք ապրանքաշրջանառության աճը: Մեր վիճակագրության համաձայն `առաջին 9 ամիսների ընթացքում` ավելի քան 60 տոկոս: Սա շատ լուրջ քայլ է մի քանի տարիների ընթացքում շրջանառության կրճատման միտումը վերականգնելու ուղղությամբ », - ասել է Լավրովը:
Նա նաեւ նշել է այս տարի Ստավրոպոլում կայացած միջտարածաշրջանային համաժողովի հաջող անցկացումը:
Ղարաբաղյան հակամարտության կարգավորման վերաբերյալ Լավրովը նշել է, որ Ռուսաստանը, որպես ԵԱՀԿ Մինսկի խմբի համանախագահ, «շահագրգռված է լուծում գտնել եւ նպաստել ղարաբաղյան հակամարտության կարգավորման առաջընթացին»:
