Թուրքիայի նորաստեղծ ազգայնական «Լավ» կուսակցության փոխնախագահ Ումիթ Օզդաղը հայտարարել է, թե Մերձավոր Արեւելքում Թուրքիայի դեմ միավորվող երկրների բլոկ է ստեղծվելու։

Թուրքական Haberperi կայքի փոխանցմամբ՝ Ումիթ Օզդաղը նշել է, թե իշխող «Արդարություն եւ զարգացում» կուսակցության սխալ արտաքին քաղաքականության պատճառով Թուրքիան տարածաշրջանում միայնակ է մնալու իր դեմ միավորվող երկրների բլոկի դեմ։

Նա պնդել է, թե Թուրքիան սարսափելի սցենարների առաջ կարող է կանգնել եւ նշել Թուրքիայի դեմ միավորվող երկրների ցանկը՝ Իսրայել, Հունաստան, Կիպրոս, Հայաստան, Եգիպտոս եւ Սաուդյան Արաբիա։