Կորեայի հանրապետուտությունն ակնկալում է, որ բանակցությունները կարող են բերել Փհենյանի եւ Վաշինգթոնի միջեւ երկխոսության հաստատմանը, ինչպես նաեւ Կորեական թերակղզզու ապամիջուկայնացմանը։ Այս մասին հայտարարել է հարավկորեական ղեկավար Մուն Չժե Ինը, փոխանցում է ՏԱՍՍ-ը։
«Մենք ակնկալում ենք, որ Հարավային Կորեայի եւ Հյուսիսայինի միջեւ շարունակվող երկխոսությունը կհանգեցնի Վաշինգթոնի եւ Փհենյանի միջեւ բանակցությունների, ինչպես նաեւ Հյուսիսային Կորեայի ապամիջուկայնացմանը»,-մեջբերում է Yonhap գործակալությունը: Նա նաեւ ընդգծել է, որ աստիճանաբար աճում է այն մարդկանց թիվը, ովքեր անհրաժեշտ են համարում Հյուսիսային Կորեայի եւ ԱՄՆ-ի ներկայացուցիչների այդպիսի շփումները:
Հյուսիսային Կորեայի առաջնորդ Կիմ Չեն Ընի հետ գագաթնաժողովի անցկացման հարցի կապակցությամբ Հարավային Կորեայի նախագահը հայտարարել է, որ այդ հարցով դեռեւս «չափազանց շատ սպասելիքներ» կան, սակայն վաղաժամ է քննարկել նման հանդիպման կոնկրետ ժամկետները եւ վայրը:
Հիշեցնենք, որ փետրվարի 10-ին Սեուլում կայացած բանակցությունների ընթացքում Հյուսիսային Կորեայի պատվիրակությունը Կիմ Չեն Ընի նամակն էր փոխանցել եւ բանավոր ուղերձ հղել, որտեղ նա Հարավային Կորեայի ղեկավարին հրավիրում էր այցելել Փհենյան, հնարավորինս կարճ ժամկետներում երկկողմ գագաթնաժողով անցկացնելու համար: Մուն Չժե Ինը իր ստացված հրավերին պատասխանել էր, որ Հյուսիսային Կորեայի մայրաքաղաք այցը հնարավոր կլինի, երբ դրա համար անհրաժեշտ պայմաններ ստեղծվեն:
Կիմ Չեն Ընը Հարավային Կորեայի նախագահին հրավիրել է Փհենյան
Սեուլն արձագանքել է երկու երկրների առաջնորդների հանդիպում անցկացնելու Փհենյանի հրավերին
