Թուրքիայի «Բարգավաճում» կուսակցության նախագահ Թեմել Քարամոլաօղլուն մեկնաբանել է Թուրքիայի վարչապետ Բինալի Յըլդըրըմի եւ Գերմանիայի կանցլեր Անգելա Մերկելի հանդիպումից հետո Die Welt-ի թղակից Դենիզ Յուջելին մեկ օրում ազատ արձակելու լուրը։
«Բարգավաճում» կուսակցության նախագահ Թեմել Քարամոլաօղլուն իր Twitter-ի էջում գրել է․ «Ոչ ոք թող չնեղանա, ոչ ոք թող չբարկանա։ Թուրքիան ուզում էր ԱՄՆ-ին օսմանյան ապտակ հասցներ, սակայն գերմանական հողաթափով ծեծ կերավ։
Նշենք, որ ավելի վաղ Էրդողանը հայտարարել էր, թե իր իշխանության օրոք բացառվում է, որ Դենիզ Յուջելն ազատ կարձակվի։
