Երուսաղեմում ԱՄՆ դեսպանատան բացման դեմ բողոքող պաղեստինցիների դեմ կրակ բացելու հետեւանքով տասնյակ սպանվածների համար Թուրքիայում եռօրյա սուգ է հայտարարվել։
Թուրքական TRT-ի փոխանցմամբ՝ Թուրքիան մի շարք միջոցառումներ է ձեռնարկել Գազայի հատվածում Իսրայելի դեմ բողոքող պաղեստինցիների սպանությունների հետ կապված։
Թուրքիան բացի եռօրյա սուգ հայտարարելուց, «Իսլամական համագործակցության կազմակերպության» արտակարգ նիստ է հրավիրել։
Նշենք, որ Երուսաղեմում ԱՄՆ դեսպանատան բացման դեմ տեղի ունեցող բողոքի ակցիայի ժամանակ իսրայելցի զինվորականները սպանել են 59 եւ վիրավորել 2770 պաղեստինցու։
Թուրքիան արդեն հետ է կանչել Իսրայելում իր դեսպանին եւ հեռախոսազրույց ունեցել Պաղեստինի առաջնորդ Մահմուդ Աբբասի հետ։