Իսրայելի Քնեսեթում մայիսի 23-ին լսումներ են կայանալու Օսմանյան Թուրքիայում Հայոց ցեղասպանության ճանաչման հարցով։

Jerusalem Online կայքը հաղորդում է, թե լսումները կայանալու են «Մերեց» կուսակցությունից պատգամավոր Թամար Զանբերգի նախաձեռնությամբ։ Հոդվածում նշվում է, թե կոալիցիայի անդամները, ըստ ամենայնի, կաջակցեն նախաձեռնությանը՝ «հաշվի առնելով Իսրայելի եւ Թուրքիայի միջեւ առկա լարվածությունը»։

Նշենք, որ նախորդ շաբաթ իսրայելական մի քանի նախարարներ եւ խորհրդարանականներ կոչ էին արել ճանաչել հայոց ցեղասպանությունը՝ Թուրքիայի նախագահ Էրդողանի վիրավորական արտահայտություններից հետո։