News
Լրահոս
News
Չորեքշաբթի
Սեպտեմբեր 19
Տեսնել լրահոսը

Ոստիկանությունը հորդորում է քրեական հեղինակություն «Վստրեչի ապերի»՝ Արամ Վարդանյանի հանցավոր գործունեությունից տուժածներին դիմել իրավապահ մարմիններին:

Ոստիկանության լրատվական ծառայությունից հայտնում են, որ հունիսի 4-ին ոստիկանության կազմակերպված հանցավորության դեմ պայքարի գլխավոր վարչությունում մի քաղաքացի հաղորդում էր տվել, որ 2017 թվականի հուլիսի 17-ին Նորագավիթ թաղամասում մի սուպերմարկետի մոտից «Վստրեչի ապեր» մականվամբ Արամ Վարդանյանը եւ մի խումբ անձինք, նախնական համաձայնությամբ, բռնություն գործադրելով առեւանգել են իրեն, տեղափոխել Վարդանյանին պատկանող Արցախի փողոցի մի շինություն, տեւական ժամանակ իր կամքին հակառակ պահել այնտեղ, ծեծել ու մարմնական վնասվածքներ պատճառել:

Փաստի առթիվ Քրեական օրենսգրքի 131-րդ հոդվածի 2-րդ մասի 1-ին կետի հատկանիշներով հարուցվել էր քրեական գործ եւ Արամ Վարդանյանի նկատմամբ հայտարարվել հետախուզում: Նա հուլիսի 30-ին հայտնաբերվեց Արաբական Միացյալ Էմիրություններում եւ ձերբակալվեց:

Քրեական գործի շրջանակում իրականացված օպերատիվ-հետախուզական միջոցառումների եւ քննչական գործողությունների շնորհիվ պարզվել է, որ Արամ Վարդանյանի հետ հանցագործությունը կատարել է նաեւ Գարեգին Իսկանդարյանը:

Նրան քրեական օրենսգրքի 131-րդ հոդվածի 1-ին մասի 2-րդ կետի հատկանիշներով մեղադրանք առաջադրվեց: Նա կալանավորված է:

Այն քաղաքացիները, որոնք տուժել են Արամ Վարդանյանի եւ Գարեգին Իսկանդարյանի հանցավոր գործունեությունից, կարող են դիմել ոստիկանություն:

Տպել
Կարդացեք նաև
Ամբողջը
Դատախազությունը Երեւանում ձերբակալված հակահայ թուրք լոբբիստ Օքսուզին հանձնելու վերաբերյալ միջնորդություն է ստացել
ԱՄՆ իրավապահների կողմից հետախուզվող Քեւին Օքսուզը, հիշեցնենք, հայտնաբերվել է օգոստոսի 29-ին Երեւանում...
Ամերիկացին մանկական պոռնոգրաֆիայի ամենամեծ հավաքածուի համար դատապարտվել է 100 տարվա ազատազրկման
Ջեմիսոնն ինքը խոստովանել է, որ կատարել է սեռական հանցագործություններ․․․
Հայազգի տղամարդը Սոլժենիցինի թանգարանի տնօրենից 12 մլն ռուբլի է կորզել
Խուզարկության արդյունքում ոստիկանները կալանավորել են Հայաստանի 1984թ․ ծնված քաղաքացու․․․
Վրաստանում ՀՀ քաղաքացին բռնվել է ոստիկանին կաշառք առաջարկելիս
Տղամարդը նրանց 10 լարի է առաջարկել՝ որպես կաշառք․․․
«Փաստ». «Յունիգրաֆ-Իքս»-ի տնօրենին սպառնում է 5-ից 10 տարվա ազատազրկում
Ընկերության կողմից պետությանը պատճառված վնասի չափը հստակեցնելու նպատակով նշանակվել է համալիր հարկային ստուգում...
ԱՄՆ-ում նախկին սենատորին ցմահ ազատազրկում է սպառնում մանկական պոռնոգրաֆիայի տարածման համար
36-ամյա նախկին սենատորը ձերբակալվել է 2017 թվականի մարտին, երբ ոստիկանությունը նրան...
Partner news