News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

Մարդկանց վաճառքի մասին համաշխարհային զեկույցի շրջանակում ԱՄՆ Պետքարտուղարության ներկայացրած տվյալներից հետեւում է, որ Ադրբեջանում աճում է մարդկանց վաճառքը (թրաֆիքինգը):

Զեկույցի մեջ նշվում է, որ մարդկանց վաճառքի մասին գործող օրենսդրությունը Ադրբեջանում ընդգրկում է թրաֆիքինգի բոլոր ձեւերը, որոնք նշված են ՄԱԿ համապատասխան արձանագրության մեջ: Դիտվում է երկրի քաղաքացիների սեռական շահագործման աճի միտում՝ մարդավաճառների կողմից հարկադիր աշխատանքի հանդեպ հետաքրքրության նվազմամբ: Ըստ վիճակագրության՝ ադրբեջանցիների համար առավել վտանգավոր երկրներն են եղել Թուրքիան եւ Արեւմտյան ու Կենտրոնական Եվրոպայի երկրները:

Բուն Ադրբեջանում ծաղկում է հարսնացուների, երեխաների վաճառքը՝ վերջինների ապօրինի որդեգրման նպատակով: Զեկույցում նշվում է, որ Ադրբեջանում մարդավաճառների գրանցված զոհերի թիվը վերջին տարում մեծացել է: Փաստաթղթի հեղինակների կարծիքով՝ սա վկայում է երկրում հանցավորության աճի մասին:

Ադրբեջանում գործազրկության պատճառով մարդիկ ցանկացած աշխատանքի համաձայնվում են՝ միայն թե կերակրեն ընտանիքին, չիմանալով, որ առաջարկվող աշխատանքը հանգեցնելու է սեռական շահագործման: Մի շարք միջազգային իրավապաշտպան կազմակերպություններ համարում են, որ Ադրբեջանում մարդկանց վաճառքի քրեական բիզնեսի մեջ են ներգրավված պետական պաշտոնյաները եւ իրավապահ մարմինները: Հենց այս պատճառով է Ադրբեջանում շարունակում ծաղկել հանցավորության այս տեսակը: ԱՄՆ Պետքարտուղարության զեկույցում նշվում է, որ մինչեւ թրաֆիքինգի ոլորտում հանցագործությունների համար պետական պաշտոնյաները պատասխանատվության չենթարկվեն, հանցագործության այս տեսակը չի հաջողվի կանխել:

Ադրբեջանի իրավապաշտպան կազմակերպությունները մեկ անգամ չէ, որ ՆԳՆ-ին մեղադրել են «տանիք» լինելու համար մարմնավաճառությանը եւ որջերին, մարմնավաճառներին որպես ոստիկանական գործակալներ եւ կենդանի խայծ օգտագործելուն՝ հաճախորդների հետագա վարկաբեկման եւ շանտաժի նպատակով:

Աշխարհի 186 երկրում մարդկանց վաճառքի դեմ պայքարի մասին ԱՄՆ Պետքարտուղարության զեկույցում այս պայքարում Ադրբեջանի ջանքերի վերաբերյալ գնահատականը չի փոխվել: Ադրբեջանը կրկին դասվել է երկրորդ կարգին, այսպես կոչված՝ TIER 2 WATCH LIST երկրների ցանկին, որոնք չեն համապատասխանում TVPA ստանդարտներին:

Ադրբեջանը տարանցիկ երկիր է եւ նշանակման երկիր հարկադիր աշխատանքի ենթարկվող տղամարդկանց, կանանց եւ երեխաների համար, ինչպես նաեւ սեռական շահագործման ենթարկվող կանանց եւ երեխաների համար: Ադրբեջանից տղամարդիկ եւ տղաները սեռական շահագործման են ենթարկվում Արաբական Միացյալ Էմիրություններում, Թուրքիայում եւ Իրանում: Երկրի ներսում ենթարկվում են հարկադիր աշխատանքի, այդ թվում՝ հարկադիր մուրացկանության: Այնպես որ, Իլհամ Ալիեւի խոստացած սոցիալական արդարությունը, մեղմ ասած, երկրում կաղում է եւ հազիվ թե իրավիճակը բարելավվի, քանի դեռ երկիրը կառավարում է ալիեւյան մաֆիան:

Րաֆֆի Սամվելյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սննդային թունավորման դեպք՝ Արտաշատի թիվ 5 դպրոցում. 19 աշակերտ տեղափոխվել է հիվանդանոց, հարուցվել է քր գործ. ՔԿ
Դեպքի վայրում եւ հիվանդանոցում աշխատում են Արարատի մարզային քննչական վարչության քննիչները...
Արմեն Թավադյանի մասնակցությամբ տեղի ունեցած միջադեպի գործով նիստը հետաձգվեց (ֆոտո)
Այսպիսով այսօրվա դատական նիստը հետաձգվեց, որոշվեց հաջորդ նիստը նշանակել նոյեմբերի 13-ին ժամը՝ 15-ին…
Դատարանը հերթական անգամ մերժեց Մանվել Գրիգորյանին գրավի դիմաց ազատ արձակելու միջնորդությունը
Նշենք, որ 5 ամիս տեւած դատաքննության ընթացքում դատարանը ավելի քան 8 անգամ մերժել է Մանվել Գրիգորյանի խափանման միջոցը փոխելու նրա պաշտպանների ներկայացրած միջնորդությունները…
Միջնորդեցին Մանվել Գրիգորյանի գործով նիստերն անցկացնել արտագնա՝ հիվանդանոցում
Բժիշկներն են արգելել իր պաշտպանյալին տեղափոխել դատարան...
Ազդարարման համակարգով ստացվող հաղորդումների 27.7 տոկոսի դեպքում հարուցվել են քրեական գործեր. ամփոփում
ՀՀ գլխավոր դատախազությունում իրականացված ազդարարման վարույթներով պարզվել է, որ դրանց 26 տոկոսի դեպքում առկա են առերևույթ կոռուպցիոն...
Գագիկ Խաչատրյանը մի քանի օր ԲԿ-ում հետազոտվելուց հետո կրկին տեղափոխվել է կալանավայր
Նշենք, որ խաչատրյանը նախքան կալանավորվելը բուժում էր ստանում Գերմանիայում...
Ամենաշատ
Ֆոտոռեպորտաժներ