News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Թուրքիան պետք է հաշտվի իր պատմության հետ, պատասխան տա եւ ներողություն խնդրի։ Այս մասին ՀՀ նախագահ Արմեն Սարգսյանի հետ համատեղ մամուլի ասուլիսում նոյեմբերի 5-ին հայտարարեց Հունաստանի նախագահ Պրոկոպիոս Պավլոպուլոսը՝ անդրադառնալով հայերի եւ պոնտացի հրեաների ցեղասպանությանը։

«Մենք հիշում ենք Հայոց ցեղասպանությունը եւ Պոնտացի հրեաների ցեղասպանությունը։ Ուրախ ենք, որ ԱՄՆ ներկայացուցիչների պալատը ճանաչել է Հայոց ցեղասպանությունը։ Ուզում եմ շնորհակալություն հայտնել Հայաստանի խորհրդարանին՝ Պոնտացի հույների ցեղասպանությունը ճանաչելու համար»,- նշեց նա՝ հիշեցնելով, որ 1996թ․ Հունաստանի խորհրդարանը եւս ճանաչել է Հայոց ցեղասպանությունը՝ ապրիլի 24-ը հայտարարելով Հայոց ցեղասպանության զոհերի հիշատակի օր, իսկ 2014թ․ քրեականացրել է Հայոց ցեղասպանության հերքումը։

Հունաստանի նախագահն անդրադարձավ նաեւ երկու ժողովուրդների սփյուռքերի համագործակցությանը։ «Մենք հսկայական տարածքներ եւ մեծ թվով բնակչություն չունենք, սակայն սփյուռքի շնորհիվ մենք սահմաններ չունենք։ Սփյուռքում մարդիկ չեն մոռանում հայրենիքը, եւ դա նրանց ամենագլխավոր ձեռքբերումն է»,- նկատեց Պավլոպուլոսը՝ հավելելով, որ ինքն ակտիվորեն շփվում է Հունաստանի հայ համայնքի հետ։

Նախագահի խոսքերով, իր այցը Հայաստանի եւ Հունաստանի հարաբերություններում նոր հեռանկարներ է բացում։

Հիշեցնենք, որ ԱՄՆ Ներկայացուցիչների պալատը հոկտեմբերի 29-ին ընդունել է Հայոց ցեղասպանության ճանաչման բանաձեւը։

Նշենք, որ Հունաստանի նախագահ Պրոկոպիոս Պավլոպուլոսը պաշտոնական այցով գտնվում է Հայաստանում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հայոց ցեղասպանությունը. վկայություններ Գերմանիայի ԱԳՆ-ի արխիվներից, 1915-1916 թթ.» հրատարակվել է պարսկերեն
Tehran Times-ը գրում է, որ 1915-1916 թթ. հայերի բնաջնջումը ժամանակակից ցեղասպանության արխետիպը դարձավ, որում պետությունը քաղաքացիների որոշակի խմբի ոչնչացմանն ուղղված կոնկրետ սխեմա է ընդունում...
Հայաստանը, Հունաստանը եւ Կիպրոսը աշխատում են հայերի, Պոնտոսի հույների ցեղասպանության ճանաչման ուղղությամբ․ ԶԼՄ
Հայաստանը, Հունաստանը եւ Կիպրոսը Պատրայում կայացած եռակողմ հանդիպման ժամանակ փոխըմբռնման եւ համագործակցության հուշագիր են ստորագրել ․․․
Քերըն Դոնֆրիդը հարգանքի տուրք է մատուցել Հայոց ցեղասպանության զոհերի հիշատակին
ԱՄՆ պետքարտուղարի եվրոպական և եվրասիական…
ԵԽ գլխավոր քարտուղարը հարգանքի տուրք է մատուցել Հայոց ցեղասպանության զոհերի հիշատակին
Հունիսի 17-ին ՀՀ ԱԳՆ-ում կկայանա Հայաստանի ԱԳ նախարարի և ԵԽ Գլխավոր քարտուղարի հանդիպումը: Այցի շրջանակներում նախատեսված են նաև…
Սերգեյ Լավրովն Արարատ Միրզոյանի ուղեկցությամբ այցելել է Հայոց ցեղասպանության հուշահամալիր (ֆոտո)
Ռուսաստանի ԱԳ նախարար Սերգեյ Լավրովը Հայաստանի ԱԳ նախարար Արարատ...
Հայոց ցեղասպանության թանգարանում բացվել է «Հայկական վարժարանների հետքերով. ուսյալ ազգի վկայագրերը» ցուցադրությունը
ՀՀ ԿԳՄՍ նախարարության և Գիտության կոմիտեի աջակցությամբ Հայոց ցեղասպանության թանգարան-ինստիտուտում բացվել է «Հայկական վարժարանների...
Ֆոտոռեպորտաժներ