Չեմ կարող ասել, թե արդյոք ռուսական ռազմակայանը Գյումրիում լիովին կհամալրվի պայմանագրային զինծառայողներով։ Այս մասին Հայաստանի Ազգային ժողովի եւ Ռուսաստանի Դաշնության Դաշնային ժողովի միջեւ համագործակցության միջխորհրդարանական 32-րդ նիստի ավարտից հետո լրագրողների հետ զրույցում նոյեմբերի 6-ին ասաց Դաշնության խորհրդի փոխնախագահ Յուրի Վորոբյովը։

Լրագրողները, մասնավորապես, հետաքրքրվեցին, թե կկատարի արդյոք ռուսական կողմն իր խոստումները, որ ռազմակայանում կծառայեն միայն պայմանագրայինները։ Վորոբյովը տեղեկացրեց, որ այսօր նախատեսում է այցելել ռազմակայան, որտեղ գուցե քննարկվեն նաեւ այդ հարցերը։