News
Լրահոս
News
Երկուշաբթի
Հունիս 01
USD
483.91
EUR
533.66
RUB
6.83
ME-USD
0.03
Տեսնել լրահոսը

Վենետիկի պաշտոնատար անձինք հույս են հայտնել, որ կորոնավիրուսային ճգնաժամը հնարավորություն կտա վերաիմաստավորել աշխարհի ամենափխրուն քաղաքներից մեկի ապագան, ստեղծել ավելի կայուն զբոսաշրջային ինդուստրիա եւ ավելի շատ մշտական բնակիչներ ներգրավել, հայտնում է AP-ը։

Երկար տարիներ իտալական քաղաքը բախվում էր համարյա էկզիստենցիալ ճգնաժամի, քանի որ նրա զբոսաշրջային ինդուստրիայի սրընթաց հաջողությունը սպառնում էր ոչնչացնել այն տեսարժան վայրերը, որոնք դարեր շարունակ գրավել են այցելուներին:

Կորոնավիրուսի համավարակը դադարեցրել է զբոսաշրջիկների հոսքը եւ ցնցել քաղաքային տնտեսությունը: Համավարակը, որ հետեւեց նոյեմբերին տեղի ունեցած մի շարք բացառիկ ջրհեղեղներին, որոնք տնտեսական առաջին հարվածն էին հասցրել, հանգեցրեց քաղաքը կանգնեցնելուն՝ կառավարության դանդաղ տրամադրվող օգնության ֆոնին:

Քաղաքը, որ ոգեշնչել է այնպիսի նկարիչների, ինչպիսիք են Կանալետոն եւ Թյորները, այժմ մաքուր կտավ է:

Քաղաքապետ Լուիջի Բրունյարոն, ելույթ ունենալով Սուրբ Մարկի արձանի դիմացի դատարկ հրապարակում, ասել է. «Սա մեզ թույլ է տալիս վերաիմաստավորել կյանքը պատմական կենտրոնում»:

Քաղաքի պատմական կենտրոնի բնակչությունը կրճատվել է մինչեւ 53 000-ի, ինչը մեկ երրորդով ավելի քիչ է, քան մեկ սերունդ առաջ:

Բնակեցմանը օգնելու համար Բրունյարոն սատարում է բնակարանային ֆոնդից հանված բնակարանները ուսանողներին վարձով տալու քաղաքային Կա՛Ֆոսկարի համալսարանի առաջարկությունը:

Նա նաեւ ուզում է ստեղծել կլիմայի փոփոխության ուսումնասիրման կենտրոն՝ հաշվի առնելով ջրհեղեղների հանդեպ քաղաքի խոցելիությունը, ինչը կարող է գրավել գիտնականների, որոնք կդառնան դրա բնակիչները: Նրա կարծիքով՝ սա կխթաներ մի տեսակ վերածնունդ, որը կբերեր այլ օտարերկրյա բնակիչների` արվեստագետների, ովքեր դարեր շարունակ եղել են Վենետիկի կենսական ուժը:

Բրունյարոն կցանկանար փոխել նաեւ, այսպես կոչված, զանգվածային զբոսաշրջության մասշտաբը, որից կախված է տնտեսությունը:

Վենետիկի ապագայի վերաբերյալ տեսլականները ներառում են հարկերի արտոնություններ առաջարկելու կոչեր, որպեսզի ավանդական արտադրությունը պատմական կենտրոն վերադարձվի: Քաղաքացիական խմբերը առաջարկել են վենետիկցիների ավանդական կենսակերպը վերականգնելու խթաններ, օրինակ՝ նավակները, որոնք դարեր շարունակ օգտագործել են բնակիչները, որոնք, սակայն, պայքարում են, որպեսզի մրցակցեն շարժիչային նավակների հետ:

Հույս կա, որ զանազան հուշանվերների խանութները, որոնք անհետացել են կարանտինի ընթացքում, կփոխարինվեն ավելի կայուն ձեռնարկություններով:

Չնայած համավարակը թույլ է տվել տեսնել ավելի մաքուր եւ դանդաղ Վենետիկը, արդեն կան նախանշաններ, որ դժվար կլինի այն պահպանել, էլ չենք խոսում մեծածավալ ծրագրերի իրագործման մասին:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Աբու Դաբին սահմանում է տեղաշարժման արգելք իր հիմնական քաղաքների միջեւ
Սահմանափակումները, որոնք մտցվում են կորոնավիրուսի տարածման դեմ պայքարի շրջանակում, վերաբերում են նաեւ ընդհանուր առմամբ ամբողջ էմիրատին․․․
Գիտնականները պարզել են Եվրոպայում կորոնավիրուսի ներթափանցման մոտավոր ամսաթիվը
Այժմ բժիշկ Շմիթն իր թիմի հետ միասին ուսումնասիրում է 2019 թվականի հոկտեմբերին արված նկարները՝ փորձելով պարզել զրոյական պացիենտին․․․
Մայիսի 31-ի դրությամբ Գեղարքունիքի մարզում հաստատվել է կորոնավիրուսային հիվանդության 33 նոր դեպք
Այսպիսով մարզում ընդհանուր ունենք 528 հաստատված…
Ոստիկանությունը արտակարգ ծառայություն է իրականացնում Սեւանում
Ոստիկանները հսկում են, թե արդյոք վարորդները պահպանում են բոլոր կանոնները…
Երուսաղեմում հավատացյալների համար բացվել է ալ-Աքսա մզկիթը
«Երուսաղեմում ալ-Աքսա մզկիթը բացվել է այսօր լուսադեմին «Վաքֆ» մահմեդական սրբատեղիների գործերով վարչության կողմից կորոնավիրուսի պատճառով 70 օր փակ լինելուց հետո»․․․
ԱԱՏՄ անակնկալ ստուգայցերով շարունակում են անվտանգության կանոնների խախտումներ արձանագրվել
Տնտեսվարողների կողմից անվտանգության կանոնների խախտումները հիմնականում նույնն…
Ամենաշատ