News
Լրահոս
News
Երեքշաբթի
Մարտ 19
Տեսնել լրահոսը

Նախորդ տարվա հուլիսին «օրենքով գող» Անդրանիկ Հարությունյանի՝ «Մասիվցի Անդիկի» սպանությանն օժանդակելու համար մեղադրվող Արմեն Ղարիբյանի մոտ քաղցկեղ է ախտորոշվել. իրեն առաջադրված մեղադրանքն էլ անհիմն է որակում։ Այս մասին NEWS.am-ի հետ զրույցում ասաց Արմեն Ղարիբյանի պաշտպան Արսեն Սարդարյանը։

Նշենք, որ քրեական գործով օժանդակողի մասն անջատվել եւ արդեն դատարանում է. նիստը նախագահող դատավորն Արտուշ Գաբրիելյանն է։

«Իրեն մեղադրում են, թե իբր ինքն օժանդակել է սպանությունը կատարողին։ Մեղադրանքի հիմքում ընկած է մի հեռախոս, որը հայտնաբերվել է Ղարիբյանի տանը ու իբրեւ այդ հեռախոսում ինչ-որ ժամանակ քարտ է տեղադրված եղել, որից զանգ է եղել այն անձին, ով իբրեւ կատարել է սպանությունը»,- ասաց Սարդարյանը։

Պաշտպանը Ղարիբյանին առաջադրված մեղադրանքը որակեց անբովանդակ ու առանց կապի. «Վարույթն իրականացնող մարմինը բավարարել է այն, որ մարդուն սպանության մեջ մեղադրեն ու ուղարկեն դատարան։ Այսինքն՝ մենք պիտի ուրախ լինենք, որ ենթադրյալ սպանողը մեզ չի զանգահարել, թե չէ մենք էլ էինք դառնալու օժանդակող»։

Արսեն Սարդարյանն ասաց, որ Ղարիբյանը շուրջ մեկ տարի կալանքի տակ է. «Առաջին ատյանի դատարանը մեզ չի տրամադրում կալանավորման որոշումը, որպեսզի մենք այն բողոքարկենք Վերաքննիչ դատարան։ Անմեղ մարդուն պահում են կալանքի տակ՝ չարորակ քաղցկեղ ունենալու պայմաններում»։

Պաշտպանն ասաց, որ քրեական գործով որեւէ առերեսում չի եղել, մեղադրանքի հիմքում էլ ցուցմունք չկա. «Ինքն էլ չի հասկանում, թե ընդհանրապես իրեն ինչու են կալանավորել ու մեղադրանք առաջադրել»։

Ըստ մեղադրական եզրակացության՝ Արմեն Ղարիբյանը տեղեկատվություն տրամադրելով եւ առանձնապես ծանր հանցագործությունը պարտակելու վերաբերյալ նախապես խոստում տալով, օժանդակել է Սուլեյման Այուբովի Միիեւին, վերջինիս կողմից պատվերով մեկ ուրիշի ապօրինաբար կյանքից զրկելու դիտավորությամբ 2019թ. հուլիսի 3-ին` ժամը 23:00-ի սահմաններում, Երեւան քաղաքի Նոր Նորքի 5-րդ զանգվածի Միկոյան փողոցի թիվ 17 շենքի բակում գործով չպարզված հանգամանքներում ապօրինի ձեռք բերված հրազենի` ատրճանակի գործադրմամբ Անդրանիկի Հրաչի Հարությունյանին սպանելուն:

Հիշեցնենք, որ  2019 թվականի հուլիսի 2-ին՝ ժամը 23:10-ին, «Սուրբ Գրիգոր Լուսավորիչ» բկ-ից Ոստիկանության Նոր Նորքի բաժին ահազանգ էր ստացվել, որ հրազենային վնասվածքով իրենց մոտ է բերվել 1973 թվականին ծնված Անդրանիկ Հարությունյանի դին:

Նշենք՝  Դատախազությունը տարածել էր հաղորդագրություն, որ նախաքննությամբ փաստական տվյալներ են ձեռք բերվել այն մասին, որ Անդրանիկ Հարությունյանի սպանությունը կատարել է ՌԴ Գռոզնի շրջանի Ալխան-Կալա գյուղում հաշվառված 1987 թվականին ծնված Սուլեյման Այուբովի Միիեւին, ով 2019 թվականի հունիս ամսին ժամանել էր Հայաստան, իսկ նույն թվականի հուլիսի 3-ին` մեկնել Հայաստանից:

2019 թվականի օգոստոսի 21-ին որոշում էր կայացվել նրան ՀՀ ՔՕ 104-րդ հոդվածի 2-րդ մասի 8-րդ կետով եւ 235-րդ հոդվածի 1-ին մասով որպես մեղադրյալ ներգրավելու մասին։ Նրա նկատմամբ որպես խափանման միջոց էր ընտրվել կալանավորումը եւ հայտարարվել հետախուզում:

Տպել
Կարդացեք նաև
Ամբողջը
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Հրաձգություն Դենվերում. երկու մարդ զոհվել է, կան վիրավորներ
Զոհերի անուններն ու մահվան պատճառները կհրապարակվեն ավելի ուշ․․․
Ամենաշատ