Ամբողջ աշխարհում կառավարություններն օգտագործում են կորոնավիրուսի պանդեմիան որպես արդարացում համացանցում այլակարծության ճնշման: Այս մասին ասվում է Freedom House-ի զեկույցում:
Զեկույցի համաձայն՝ դա հանգեցնում է այլակարծության գրաքննության ուժգնացման եւ ընդլայնում սոցիալական հսկողության տեխնոլոգիական համակարգերը:
«Պանդեմիան մեծացնում է թվային տեխնոլոգիաներից կախվածությունը, եւ համացանցն ավելի ու ավելի ազատ է դառնում»,- ասել է Freedom House-ի նախագահ Մայքլ Աբրամովիցը:
Freedom House-ը նշում է, որ համացանցից օգտվող գրեթե 3,8 մլրդ մարդկանցից միայն 20 տոկոսն է ապրում ազատ համացանց ունեցող երկրներում, 32 տոկոս՝ «մասնակիորեն ազատ» եւ 35 տոկոսը «ոչ ազատ» համացանց ունեցող երկրներում:
Հայաստանն ու Վրաստանը ազատ համացանց ունեցող երկրների թվում են, Ադրբեջանը՝ ոչ ազատ:
