Եվրամիությունը, ամենայն հավանականությամբ, Հայաստանը եւ հինգ այլ երկրներ կհեռացնի ճամփորդական անվտանգ ուղղությունների ցանկից, ինչը նշանակում է, որ այցելուները կամ այդ երկրներից վերադարձող մարդիկ կարող են ենթարկվել ավելի խիստ վերահսկողության, ինչպիսին են COVID-19-ի թեստավորումը կամ կարանտինը:
ԵՄ Առողջապահության հատուկ կոմիտեն առաջարկել է Ճապոնիան, Ալբանիան, Հայաստանը, Ադրբեջանը, Բրունեյը եւ Սերբիան բացառել անվտանգ երկրների ցանկից, հաղորդել է Reuters-ը՝ վկայակոչելով ԵՄ դիվանագետներին:
ԵՄ դեսպանները, որոնք սովորաբար հետեւում են կոմիտեի խորհրդին, արդեն քննարկել են այս առաջարկը: Որոշումը սովորաբար կայացվում է շաբաթվա վերջին:
Ցանկի նպատակը ԵՄ-ում տեղաշարժի կանոնների միավորումն է, չնայած այն չի կապում ԵՄ առանձին երկրներին, որոնք կարող են որոշել իրենց քաղաքականությունը:
Գերմանիան, օրինակ, արդեն ավելացրել է Ալբանիան, Ադրբեջանը, Ճապոնիան եւ Սերբիան «բարձր ռիսկային գոտիների» ցանկում՝ մուտքի ավելի խիստ սահմանափակումներով:
