News
Լրահոս
News
Ուրբաթ
Հոկտեմբեր 07
USD
405.46
EUR
400.8
RUB
6.7
Տեսնել լրահոսը

Արթուր Վանեցյանի կողմից Երևանի քաղաքապետի ընտրություններին մասնակցելու մասին քննարկում «Հայրենիք» կուսակցությունում առայժմ չի եղել։ NEWS.am–ի հետ զրույցում այսպես արձագանքեց կուսակցության խոսնակ Սոս Հակոբյանը՝ անդրադառնալով այն խոսակցություններին, թե Արթուր Վանեցյանը մանդատը վայր դնելով, պատրաստվում է մասնակցել Երևանի քաղաքապետի ընտրություններին։

«Նախ այդ գործընթացի համար դեռ ժամանակ կա ու անգամ պարզ չէ, այդ ընտրությունները կլինեն հերթական, թե արտահերթ։ Հետևաբար այս պահին այլ գործերով ենք զբաղված, ռազմավարություն ենք մշակում, որում առաջնայինը քաղաքապետի ընտրությունը չէ։ Այդ մասով առայժմ ոչ քննարկում կա, ոչ էլ որոշում»,– ասաց Հակոբյանը։

Հիշեցնենք, որ երեկ՝ հունիսի21-ին, «Պատիվ ունեմ» խմբակցության ղեկավար Արթուր Վանեցյանը մանդատը վայր դնելու հայտարարություն էր տարածել՝ նշելով, որ այս պահին պատգամավորական մանդատն իր համար երբեք ինքնանպատակ չի եղել, այն ընդամենը գործիք՝ երկրին ու պետականությանը ծառայելու համար. գործիք, որն այսօր այլևս իր համար կիրառելի չէ։

!
Այս նյութը հասանելի է նաև   English and Русский
Տպել
Ֆոտոռեպորտաժներ