Սաուդցին, որն օգնել է ոչ մուսուլմանին մտնել սրբազան Մեքքա քաղաք, ձերբակալվել է, տեղեկացրել է Սաուդյան Արաբիայի ոստիկանությունը ինտերնետում իսրայելցի լրագրողի այցին տրված բացասական արձագանքից հետո, տեղեկացրել է AFP-ն։

Լրագրող Գիլ Թամարին իսրայելական 13-րդ ալիքից Թվիթերում տեսանյութ էր տեղադրել, որտեղ նա մտնում է Մեքքա՝ իսլամի ամենասրբազան քաղաք, հակառակ ոչ մուսուլմանի մուտքի արգելքի։

Մեքքայի շրջանային ոստիկանությունը «քաղաքացուն հանձնել» է դատախազություն «լրագրողի (ոչ մուսուլման) մուտքին ենթադրյալ օգնության համար, ասել է ոստիկանության ներկայացուցիչը մեկնաբանություններում, որոնք հրապարակվել են մամուլի սաուդյան պաշտոնական գործակալության կողմից։

Լրագրողի անունը չի նշվել, բայց տեղեկացվել է, որ նա ԱՄՆ-ի քաղաքացի է, որի գործը նույնպես հանձնվել է դատախազություն՝ «նրա հանդեպ անհրաժեշտ միջոցներ կիրառելու համար՝ գործող օրենսդրությանը համապատասխան»։

Չնայած աճող անդրկուլիսյան շփումներին՝ Սաուդյան Արաբիան չի ճանաչում Իսրայելը եւ չի միացել 2020թ. ԱՄՆ-ի միջնորդությամբ կնքված Աբրահամյան համաձայնագրերին, որոնց համաձայն՝ հրեական պետությունը կապեր է հաստատել թագավորության երկու հարեւանների՝ Արաբական Միացյալ Էմիրությունների եւ Բահրեյնի հետ։

Իր 10 րոպեանոց տեսանյութում Թամարին այցելում է Արաֆաթ լեռ, որտեղ ամեն տարի հաջի ուխտագնացության գագաթնակետային պահին հավաքվում են մուսուլման ուխտագնացները։

Նա հստակ հասկացրել է, որ գիտի, որ այն, ինչ անում է, արգելված է օրենքով, բայց ասել է, որ ցանկանում էր ցույց տալ «այն տեղը, որն այդքան կարեւոր է մեր մուսուլման եղբայրների եւ քույրերի համար»։

Թամարիի արդարացումը եւ հետագա ներողությունները քիչ են ազդել սոցիալական ցանցերում Սաուդյան Արաբիայի ցասումնալից արձագանքի վրա։