News
Լրահոս
News
Ուրբաթ
Մարտ 29
Տեսնել լրահոսը

Վարչապետ Նիկոլ Փաշինյանի՝ Նիդերլանդներ կատարած այցին տեղի ունեցած բողոքի ակցիայի ընթացքում ցուցարարները որեւէ բռնի գործողություն չեն իրականացրել, որը կարող էր հիմք լինել իմ մուտքը Հայաստան արգելելու համար։ Այս մասին այսօր՝ օգոստոսի 2-ին, NEWS.am-ի հետ զրույցում ասաց ՀՅԴ Հայ դատի հանձնախմբի ատենապետ Մասիս Աբրահամյանը։

«Եթե նման բան կատարված լիներ, ոչ թե Նիկոլի ծախված ոստիկանները պետք է հարցը լուծեին, այլ Նիդերլանդների խիստ ոստիկանները։ Նիդերլանդների ոստիկանությունը թույլ չի տա որեւէ անօրինական քայլ։ Եթե փորձեինք ինչ-որ բան նետել ավտոմեքենայի վրա, խոչընդոտել ընթացքին եւ այլն, ոստիկանությունը մեր գործողություններին կխոչնդոտեր։ Բացառվում է, որ այդ ցույցի ժամանակ որեւէ անօրինական բան կատարվեր, որովհետեւ ոստիկաններն «անջրպետ» էին մեր եւ Փաշինյանի ավտոշարասյան միջեւ, եւ մենք ընդամենը գոռոցներով կարող էինք արտահայտել մեր բողոքը»,- ասաց նա։

Աբրահամյանը պատմեց, որ լիազորագիր է տվել իր պաշտպան Ռուբեն Մելիքյանին, որ իր բողոքն այսօր կամ վաղը ընդունվի։

Մասիս Աբրահամյանի խոսքով՝  իր դուստրը՝ Սյունեն, որի մուտքը Հայաստան եւս արգելվել է, մասնակցել է Նիկոլ Փաշինյանի այցի ժամանակ կազմակերպված բողոքի ակցիային։

«Ինքը հյուրանոցի ներսում է ակցիա արել՝ գոռալով «Նիկոլ, դավաճան»։ Այդ ժամանակ Փաշինյանի պահակախումբը անմիջապես շատ կոպիտ ձեւով դուրս է բերել իրենց, բայց իրենք որեւէ բռնություն չեն արել, ընդամենը գոռացել են։ Բայց սա կարծես թե «դավաճան» բառի հանդեպ խիստ վերաբերմունք ունի, դրա համար էլ այս տեսակ արձագանքներ է տալիս»,- ընդգծեց Մասիս Աբրահամյանը։

Աբրահամյանն այժմ գտնվում է Վարշավայի օդանավակայանում, մի քանի ժամից նա կհասնի Նիդերլանդներ։

Հիշեցնենք, որ նախօրեին՝ օգոստոսի 1-ին, «Զվարթնոց» օդանավակայանից արգելվել էր Նիդերլանդների ՀՅԴ Հայ դատի հանձնախմբի ատենապետ Մասիս Աբրահամյանի մուտքը Հայաստան՝ հիմնավորմամբ, որ նա անցանկանալի անձ է։

Ես Փաշինյանի՝ Նիդերլանդներ այցի ժամանակ կազմակերպել եմ բողոքի ակցիա․ պատմում է Մասիս Աբրահամյանը

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իմ անունից տարածվում են կեղծ տեղեկություններ. Լեւոն Քոչարյան
Այս ամենի նպատակը մարդկանց մոլորեցնելն է: Խնդրում եմ եղեք ուշադիր եւ հետեւեք իմ պաշտոնական էջերին...
«Հրապարակ». Ոսկեպարցիներն անհամբեր սպասում են
Երեկ փորձեցինք վարչապետի խոսնակից տեղեկանալ՝ նախատեսվո՞ւմ է արդյոք Տավուշ այց, ինչպեսեւ խոստացել...
«Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք
Այս հիմնադրամին ամեն տարի ՀՀ կառավարության որոշմամբ պարբերաբար փոխանցվել են միլիոնավոր դոլարներ...
«Հրապարակ». Իշխան Սաղաթելյանի հոր նկատմամբ դատախազությունը հարուցել է քրեական հետապնդում
Ակնհայտ է, որ ընտանիքիս անդամներին հետապնդելով՝ փորձում են ինձ վրա ճնշում բանեցնել, որը չի ստացվի, սա ո՛չ...
«Իրավունք». Նիկոլ Փաշինյանի նյարդերը տեղի են տվել
Հրահանգել է, որ պարտադիր հանդիպումներ ունենան արցախահայերի հետ ու համոզեն, որ սուս նստելու դեպքում...
«Հրապարակ». Դիանա Գալոյանը նոր պաշտոն կստանա՞
Խոսքը, մասնավորապես, «Ամբերդ» հետազոտական կենտրոնի մասին է, որի ղեկավարը ներկայում Դավիթ...
Ամենաշատ