Սիրելի՛ ընթերցողներ,

Ուրախ ենք տեղեկացնել, որ NEWS.am Style, NEWS.am Sport և NEWS.am Medicine նախագծերին ավելանում է ևս մեկը՝ տեխնոլոգիաների, գիտության, կրթության ու նորարարությունների կայք՝ NEWS.am Tech-ը։

NEWS.am Tech-ի նպատակն է դառնալ ձեր յուրօրինակ ՏՏ հանրագիտարանը, որտեղ կարող եք ոչ միայն օպերատիվորեն ստանալ հայկական և արտասահմանյան ՏՏ ոլորտի, գիտական նորարարությունների մասին ամենաթարմ լուրերը, այլև գտնել օգտակար տեղեկատվություն կիբերանվտանգության մասին, տարբեր գաջեթների և ծրագրերի ու խաղերի նկարագրություններ։ Կծանոթացնենք ՏՏ ընկերություններ հիմնելու առանձնահատկություններին՝ արդեն կայացած ընկերությունների ղեկավարների հետ միասին։

Ուրախ կլինենք նաև NEWS.am Tech-ը դարձնել յուրօրինակ հարթակ հայկական ստարտափերի համար՝ ներկայացնելու նրանց գաղափարները հարցազրույցների, մամուլի ասուլիսների և քննարկումների միջոցով՝ հիմնվելով ՏՏ ոլորտի միջոցառումներ լուսաբանելու NEWS.am-ի հարուստ փորձի վրա՝ այժմ արդեն մասնագիտացված հարթակում։

Հավատարիմ մնալով տարիների ընթացքում ձևավորված ավանդույթին՝ NEWS.am Tech-ը նույնպես իր ընթերցողին է ներկայանալու եռալեզու՝ հայերեն, անգլերեն և ռուսերեն պրոֆեսիոնալ հոդվածներով՝ հիմնվելով հավաստի եւ վստահելի աղբյուրների վրա։

Եռալեզու տարբերակը կօգնի ստարտափներին իրենց մասին իրազեկել, գործընկերներ և ներդրումներ գտնել նաև արտասահմանում։

Գիտական եւ տեխնոլոգիական զարգացումների հետ եղե՛ք համընթաց՝ NEWS.am Tech-ի հետ։ Հույս ունենք, որ նախագիծը նաեւ կմոտիվացնի ընթերցողներին լինել ստեղծարար եւ նորարար։

Վստահ լինելով մեր երկրի հզոր ապագայի հարցում՝ NEWS.am-ը շարունակում է աշխատել նոր նախագծերի և գաղափարների վրա, որոնք թույլ կտան առավելագույնս օգտակար լինել մեր ընթերցողներին և նպաստել Հայաստանի առաջխաղացմանը։

Մշտապես նորարար,

Ձեր՝ NEWS.am-ի թիմ