Ամերիկայի Հայ դատի հանձնախմբի արեւմտյան թեւը ցավակցել է Լարի Զարյանի` Գլենդելի քաղաքային խորհրդի առաջին ընտրված հայ անդամի ազգականներին եւ ընկերներին:
Գլենդելի պատմության մեջ առաջին հայ քաղաքապետը մահացել էր հոկտեմբերի 13-ին, հաղորդում է «Asbarez»-ը:
1983թ. Զարյանն ընտրվել էր քաղաքային խորհրդի կազմում, որտեղ ծառայել էր 16 տարի: Նրա ծառայությունը բարձր էին գնահատել նախագահներ Ռոնալդ Ռեյգանն ու Ջորջ Բուշը, նահանգապետեր Ջորջ Դոքմեջյանը, Փիթ Ուիլսոնն ու Առնոլդ Շվարցենեգերը:
Հանձնախմբի հայտարարությա մեջ ասվում է, որ Զարյանի հայանպաստ գործունեությունը շարունակվել է նաեւ քաղաքային խորհրդից հեռանալուց հետո: