Իսլամական հեղափոխության պահապանների կորպուսը (ԻՀՊԿ) որոշել է կրճատել իրանցի բարձրաստիճան սպաների թիվը Սիրիայում՝ Իսրայելի կողմից արաբական հանրապետությանը հասցված մի շարք հարվածներից հետո։ Այս մասին հայտնում է Reuters գործակալությունը՝ հղում անելով իր աղբյուրներին։
Հաղորդագրության համաձայն՝ Իսլամական հեղափոխության պահապանների կորպուսի մի քանի բարձրաստիճան զինվորներ տասնյակ միջին մակարդակի սպաների հետ լքել են Սիրիան, սակայն երկրից Իրանի զինված ուժերի ամբողջական դուրսբերման մասին խոսք չկա։
«Իրանը կսկսի ավելի շատ հույս դնել դաշնակից շիա խմբավորումների վրա՝ տարածաշրջանում իր ազդեցությունը պահպանելու համար»,- նշել են գործակալության զրուցակիցները։
Գործակալությունը, սակայն, արաբական հանրապետությունը լքած Իսլամական հեղափոխության պահապանների կորպուսի սպաների ստույգ թվի մասին տեղեկատվություն չի տրամադրում։
