նախընտրելի դարձնելԱՄՆ-ը եւ Ավստրալիան պայմանավորվել են ընդլայնել համագործակցությունը ռազմական ոլորտում: Այս մասին հայտարարել է ԱՄՆ նախագահ Բարաք Օբաման Կանբերայում, որտեղ գտնվում է Ավստրալիայի, Նոր Զելանդիայի եւ ԱՄՆ-ի ռազմական ալյանսի ստեղծման 60-ամյակի կապակցությամբ:
Նոր համաձայնագրով մինչեւ 250 ամերիկացի ծովային հետեւակներ կտեղակայվեն երկրի հյուսիսում գտնվող Դարվին քաղաքի մերձակայքի ավստրալական բազայում: Համաձայնագիրը նախատեսում է նաեւ ամերիկյան օդանավերի թվերի ավելացում:
Օբաման նշել է, որ ԱՄՆ-ն եւ ասիական ոչ մեծ պետությունները մտահոգված են, որ Չինաստանը տարածքային պահանջներ է ներկայացնում Հարավչինական ծովի կղզիների նկատմամբ: Այդ տարածաշրջանը Վաշինգտոնը ռազմավարական է համարում, քանի որ այդտեղով առեւտրային նավեր են ուղեւորվում ԱՄՆ, որոնց բեռը տարեկան կազմում է մոտ 1,2 մլրդ դոլար:
