Հռոմի պապ Լևոն XIV-ը Ծաղկազարդի պատարագի ժամանակ իր քարոզում մերժել է այն պնդումները, թե Աստված արդարացնում է պատերազմը՝ պնդելով, որ Աստված «խաղաղության թագավորն» է. հայտնում է CBS News-ը։

«Եղբայրնե՛ր և քույրե՛ր, սա է մեր Աստվածը՝ Հիսուսը՝ Խաղաղության թագավորը, որը մերժում է պատերազմը, և որին ոչ ոք չի կարող օգտագործել պատերազմն արդարացնելու համար։ Նա չի լսում պատերազմ վարողների աղոթքները, այլ մերժում է դրանք»,- ասել է Հռոմի պապը։

Ըստ Լևոն XIV-ի, նա աղոթում է քրիստոնյաների համար, որոնք տառապում են դաժան հակամարտության հետևանքներից։

«Շատ դեպքերում նրանք չեն կարողանում լիարժեքորեն կատարել այս սուրբ օրերի ծիսակարգերը»,- նշել է նա։