նախընտրելի դարձնելՈստիկանության Կենտրոնականի բաժնի ծառայողները, ապրիլի 18-ի երեկոյան, «Տաշիր» հանրախանութի մոտից բերման են ենթարկել 28-ամյա Լեւոն Նալբանդյանին:
Ոստիկանության մամուլի ծառայությունից NEWS.am-ին հայտնում են, որ նա ապրիլի 3-ից հետախուզվում էր գողության մեղադրանքով:
Նույն օրը, ժամը 10.30-ին, ոստիկանության Երեւան քաղաքի վարչության ծառայողները Նորքի 8-րդ զանգվածի թիվ 32 շենքի մոտից բերման են ենթարկել 38-ամյա Վահագն Հակոբյանին, ով 2001 թ. հունիսի 4-ից հետախուզվում էր ՌԴ Սանկտ-Պետերբուրգի իրավապահների կողմից:
Նույն օրը, ժամը 15.30-ի սահմաններում, ոստիկանության Գյումրիի բաժնի ծառայողները Գյումրի քաղաքի Ղանդիլյան փողոցի 22 շենքից բերման են ենթարկել 55-ամյա Արտուշ Մուրադյանին, ով ապրիլի 6-ից հետախուզվում էր առանց իրացնելու նպատակի զգալի չափերով թմրամիջոցներ կամ հոգեմետ նյութեր ապօրինի պատրաստելու, վերամշակելու, ձեռք բերելու, պահելու, փոխադրելու կամ առաքելու մեղադրանքով:
Մուրադյանը տեղափոխվել է ՀՀ ԱՆ «Արթիկ» քրեակատարողական հիմնարկ:
