Նախընտրելի
ԱՄՆ նախագահ Դոնալդ Թրամփը հայտարարել է Ծովասխրամների ազգային օրվա (National Scallops Day) սահմանման մասին, որը կապված է ԱՄՆ Օվկիանոսային և մթնոլորտային հետազոտությունների ազգային վարչության (NOAA)՝ Ջորջես Բանկ շրջանի հյուսիսային հատվածը ոստրեների արդյունահանման համար բացելու որոշման հետ։
«Այսօր ես հայտարարում եմ ոստրեների ազգային օր՝ ի պատիվ NOAA-ի գործողության, որը բացում է Ջորջես Բանկի հյուսիսային մասը ոստրեների արդյունահանման համար՝ իրականացնելով մեր հրաշալի ձկնորսների երազանքը, ում հետ Օբամայի և Բայդենի վարչակազմերը, ինչպես նաև Կանադան այդքան վատ են վարվել։ Դա տարեկան միլիոնավոր լրացուցիչ ֆունտ հրաշալի վայրի ոստրեներ կապահովի ամերիկացիների սեղաններին և աշխատատեղեր կստեղծի Նորֆոլկում (Վիրջինիա), Քեյփ Մեյում (Նյու Ջերսի), Նյու Բեդֆորդում (Մասաչուսեթս) և գրեթե ամբողջ արևելյան ափին»,- Truth Social սոցիալական ցանցում գրել է նա։
Թրամփը նշել է նաև, որ որոշումը վերաբերում է նաև ձկնորսության այլ տեսակներին։
«Մենք արևելյան ափի երկայնքով հսկայական տարածքներ ենք ազատում օմար որսացող մեր հրաշալի ձկնորսների և մյուսների համար, ներառյալ նախկինում սահմանափակված գոտիները, որոնք Բարաք Օբամայի և Ջո Բայդենի օրոք հայտարարվել էին էկոլոգիական արգելոցներ»,- ընդգծել է ԱՄՆ նախագահը։
Նա հայտարարել է, որ իր վարչակազմը «ձկնորսների համար բացել է օվկիանոսները, գետերը, լճերն ու ծովերը» և չեղարկել է, իր խոսքերով, «անհեթեթ էկոլոգիական սահմանափակումները», որոնք այլ երկրներին թույլ էին տալիս օգտագործել ամերիկյան ջրերը։
Առանձնահատուկ կերպով նա կոչ է արել միջանկյալ ընտրություններում աջակցել Հանրապետական կուսակցությանը՝ հայտարարելով. «Եթե կոմունիստները գան իշխանության, դուք այլևս երբեք չեք կարողանա ձուկ որսալ»։
