նախընտրելի դարձնել
ԱՄՆ Իլինոյս նահանգի բնակիչը վիճակախաղում շահել է 1 մլն դոլար՝ շնորհիվ այն տոմսի, որը ծննդյան օրվա կապակցությամբ նվեր էր ստացել ընկերոջից, հայտնում է Illinois Lottery-ն։
Տղամարդը պատմել է, որ կինը իր համար մեծ տոնակատարություն էր կազմակերպել, որի ընթացքում ընկերներից մեկը նրան ծրար էր նվիրել՝ վիճակախաղի մի քանի տոմսերով։ Դրանցից մեկը շահել է. օգոստոսի 8-ի Lotto Million 2 խաղարկության տոմսը նրան բերել է գլխավոր մրցանակը՝ 1 մլն դոլար։
Սկզբում տղամարդը նույնիսկ չի հասկացել, որ ջեքփոթ է շահել։ Նա խնդրել է ընկերոջը ստուգել տոմսը, բայց նա նույնպես սխալվել է և մտածել, թե շահումը կազմում է ընդամենը 1 հազար դոլար։
«Ես մտածեցի՝ հազար դոլարն էլ վատ չէ, հրաշալի օր է», — պատմել է հաղթողը։
Կնոջ հետ միասին նա գնացել է վիճակախաղի կենտրոն, որպեսզի ստանան, ինչպես իրենք էին կարծում, 1 հազար դոլարը։ Սակայն կենտրոնի աշխատակիցը ամուսիններին հայտնել է, որ իրականում տոմսը նրանց բերել է 1 մլն դոլար։ Տղամարդու վկայությամբ, կինն անակնկալից նույնիսկ արտասվել է։
Մեկ այլ տոմս էլ նրան լրացուցիչ 2 դոլար է բերել՝ մեկ այլ տողում երկու թվի համընկնման համար։
Շահումը ամուսինները նախատեսում են ծախսել Ֆլորիդայում բնակվող հարազատներին ամենամյա այցելությունների, ինչպես նաև, հնարավոր է, նոր ավտոմեքենայի և գոլֆ-քարի վրա։ Բացի այդ, ընտանիքը մտադիր է շահումը նշել՝ կրուիզով, որը կնվիրվի ամուսնության 40-ամյակին և երեխաների ծննդյան օրերին։
«Ես նրանց ասացի. «Հայրիկն է վճարում»», — կատակել է հաղթողը։
