Վարչապետ Նիկոլ Փաշինյանը Փարիզից տեսանյութ է հրապարակել, որին կից գրել է«Ազատ ժամանակ, Փարիզ, արտիշոկ»:

Տեսանյութում նա նշել է. «Կոմերցիոն ռեյսով Փարիզ գալու լավ կողմը այն է, որ ազատ ժամանակ է առաջանում և այդ առիթից օգտվելով, ու օգտվելով առիթից, որ Փարիզում արտիշոկի սեզոն է, եկել ենք Փարիզում մարտիշոկ փորձելու։

Ի դեպ, ասում են, որ Հայաստանում սկսել են աճեցնել արտիշոկ, որ դեպի Ֆրանսիա արտահանման մեծ պոտենցիալ ունի»։

Հիշեցնենք, որ Նիկոլ Փաշինյանը երկօրյա աշխատանքային այցով մեկնել է Ֆրանսիա:

Վարչապետը Փարիզում մասնակցելու է Միջազգային տիեզերական գագաթնաժողովին: Հայաստանի ղեկավարը սոցցանցի իր էջում ինքնաթիռից տեսանյութ է հրապարակել, տեղեկացրել, որ հանդիպելու է նաև նախագահ Մակրոնի հետ։