Նախընտրելի
Anthropic ընկերությունը Եմենի «Անսար Ալլահ» շարժմանը (հութիներին) մեղադրել է արհեստական բանականության Claude մոդելը սեփական հրթիռային համակարգերի մշակման ընթացքում օգտագործելու մեջ։ Դրա մասին սեպտեմբերի 11-ին հայտնել է Bloomberg-ը՝ հղում անելով ամերիկյան ընկերության զեկույցին։
Հաղորդվում է, որ ռազմական նախագծերի վրա աշխատանքը արձանագրվել է Եմենի՝ հութիների վերահսկողության տակ գտնվող տարածքում։ Claude-ը կիրառվել է ուղղորդման, նավիգացիայի և կառավարման համակարգերի ծրագրային ապահովման մշակման համար՝ լուծելով ծրագրավորող ինժեներների առաջադրանքները։
Ըստ զեկույցի՝ անհայտ անձինք աշխատել են երեք ռազմական նախագծերի վրա, որոնք ներառել են կառավարվող հրթիռի, հայտարարված ավելի քան 2 հազար կմ թռիչքի հեռահարությամբ բալիստիկ հրթիռի և R2000 անվանումով հրթիռների ընտանիքի մշակում։ Նշվում է, որ փորձարկումներ անցկացնելուց հետո մշակողները Claude-ից օգնություն են խնդրել անհաջող արձակման պատճառների ախտորոշման հարցում։
Anthropic-ում հայտարարել են, որ ապացույցներ, որ այդ ջանքերը հանգեցրել են մարտունակ զենքի ստեղծմանը, չեն հայտնաբերվել։ Հետաքննության ավարտից հետո ընկերությունը հայտնել է, որ արգելափակել է ռազմական գործունեության հետ կապված հաշիվները, տեղեկացրել է գործընկերներին և ուժեղացրել է անվտանգության միջոցները։
