նախընտրելի դարձնել
Նախորդ տարվա հունիսին Իրանի հատուկ ծառայությունների հետ համագործակցելու մեղադրանքով ձերբակալված թալիշական «Թոլիշի Սադո» (Թալիշի ձայն) թերթի եւ կայքի գլխավոր խմբագիր Գիլալ Մամեդովը կարծում է, որ իր հետապնդումը կապված է Youtube կայքում իր տարածած «Տի կտո տակոյ, դավայ, դո սվիդանիյա» տեսահոլովակի, ինչպես նաեւ նախորդ տարվա ամռանը տված մի քանի հարցազրույցների հետ:
Գլխավոր խմբագիրը նաեւ հայտարարել է, որ հրաժարվել է ցուցմունքներից՝ բացառությամբ ձերբակալությունից անմիջապես հետո տվածից, որտեղ հերքել էր թմրանյութեր պահելու մեղարանքը, հայտնում է «ՌԻԱ Նովոստին»: Հունվարի 9-ին Բաքվում թալիշ խմբագրի գործով դատարանի նախնական նիստ կկայանա:
Հիշեցնենք, որ Մամեդովի նկատմամբ քրեական գործ էր հարուցվել Ադրբեջանի ՔՕ մի քանի հոդվածներով` պետական դավաճանություն, ազգային, դասակարգային, սոցիալական եւ կրոնական ատելության եւ թշնամանքի դրսեւորում, թմրանյութերի ապօրինի ձեռքբերում, պահպանում եւ վաճառք: Մամեդովը համացանցում հայտնի «Դավայ, դո սվիդանիյա» տեսահոլովակի հեղինակն է:
