նախընտրելի դարձնելԵմենի մայրաքաղաք Սանայի քաղաքային հրապարակում ռազմական օդանավ է ընկել: Վթարի ենթարկված Սու-22-ի զոհ են դարձել օդաչուն եւ նվազագույնը վեց քաղաքացի:
Կործանիչը բախվել է Ազատության հրապարակի շինությանը: Այս հրապարակը երկու տարի առաջվանից դարձել է հակակառավարական ցույցերի էպիկենտրոն, հայտնում է Al Jazeera-ն:
Տուժածների եւ զոհերի հստակ թիվը դեռ չի նշվել: Չհաստատված տվյալներով` ռազմական օդանավն փորձնական թռիչք էր կատարում, եւ ինչպես հայտնում են մի քանի լրատվամիջոցներ` օդաչուն հասցրել է կատապուլտով դուրս նետվել, հաղորդում է «Ուտրո.ռու»-ն:
Ըստ ՌԻԱ Նովոստիի` կատարվածի հետեւանքով, օդանավի ընկած տեղում հրդեհ է բռնկվել:
1970-ական թվականներին մշակված Սու-22 օդանավը հանդիսնում է Խորհրդային Սու-17-ի արտահանվող տարբերակը: Այն արտահանվել է տարբեր երկրներ, այդ թվում Եմեն:
