նախընտրելի դարձնելԼոռիի մարզի «Դրախտ» ռեստորանում, փետրվարի 21-ին, ժամը 10.55-ին, հյուրանոցային համալիրներից մեկի տնօրեն Սամվել Թ.-ն ահազանգել է ոստիկանության Ստեփանավանի բաժին, որ նույն օրը, ժամը 10.30-ի սահմաններում, համալիրի սենյակներից մեկում հայտնաբերվել են 30-ամյա Գրիշա Զ.-ի, 32-ամյա Սարգիս Ղ.-ի, 42-ամյա Էլմիրա Ս.-ի եւ 22-ամյա Արմինե Ռ.-ի դիակները: Այս մասին NEWS.am-ը տեղեկացավ ոստիկանության լրատվական ծառայությունից:
ՀՀ քրեական օրենսգրքի 240 հոդվածի 2-րդ մասի հատկանիշներով հարուցված քրեական գործի նախաքննության ընթացքում պարզվել է, որ նշված անձինք մահացել են փետրվարի 21-ին, ժամը 01.00-ից 10.30-ն ընկած ժամանակահատվածում, «մոնոքսիդ» տեսակի գազի թունավորումից:
Սամվել Թ.-ն ձերբակալված է: Նախաքննությունը շարունակվում է:
Նշենք, որ «Դրախտ» ռեստորանը պատկանում է Ստեփանավանի նախկին քաղաքապետ Սարգիս Ղարաքեշիշյանին, ում եղբայրը ներկայիս քաղաքապետն է:
Լուսանկարը ՝ Էդվարդ Արզումանյանի /NEWS.am
