նախընտրելի դարձնել«Էխո Մոսկվի» ռադիոկայանը, «ՌԻԱ Նովոստի» լրատվական գործակալությունը եւ «Ինտեֆաքսը» «Օգոյնոկ» ամսագրի հետ կազմել են Ռուսաստանի ամենաազդեցիկ 100 կանանց ցուցակը: Վարկանիշը գլխավորել է Դաշնության խորհրդի նախագահ Վալենտինա Մատվիենկոն:
Երկրորդ տեղում է սոցիալական հարցերով փոխվարչապետ Օլգա Գոլոդեցը, երրորդում` Ռուսաստանի վարչապետ Դմիտրի Մեդվեդեւի մամուլի քարտուղար Նատալյա Տիմակովան: Չորրորդ եւ հինգերորդ տեղերն են զբաղեցրել տնտեսական զարգացման նախկին նախարար Էլվիրա Նաբիուլինան եւ երգչուհի Ալլա Պուգաչյովան:
Վարկանիշը կազմվել է նաեւ առանձին անվանակարգերով: «Քաղաքականությունում» վերին հինգ հորիզոնականները զբաղեցրել են` Վալենտինա Մատվիենկոն. Օլգա Գոլոդեցը, Նատալյա Տիմակովան, Էլվիրա Նաբիուլինան եւ Լարիսա Բրիչեւան: Սոցիալական բնագավառի հնգյակում առաջին տեղում է Սվետլանա Մեդվեդեւան, այնուհետեւ Չուլպան Խամատովան, Մշակութային նախաձեռնությունների բարեգործական հիմնադրամի համահիմնադիր Իրինա Պրոխորովան, «Արդար օգնություն» հիմնադրամի գործադիր տնօրեն Ելիզավետա Գլինկան եւ տնտեսագետ ու իրավապաշտպան Իրինա Յասինան:
«Բիզնես» անվանակարգում ամենաազդեցիկն է անվանվել «Տրանսաերո»-ի գլխավոր տնօրեն Օլգա Պլեշակովան: Երկրորդ տեղում է «Սբերբանկի» կառավարման նախագահի տեղակալ Բելա Զլատկիսը, երրորդ տեղում` «Կասպերսկիի լաբորոտորիայի» համահիմնադիր Նատալյա Կասպերսկայան: Չորրորդ եւ հինգերորդ հորիզոնականներում են ֆիթնես ակումբների ցանցի նախագահ Օլգա Սլուցկերը եւ «Տրանսկրեդիտբանկի» տնօրենների խորհրդի նախագահի տեղակալ Տատիանա Պարամոնովան:
«Մշակույթ» անվանակարգում ամենահեղինակավոր կանայք են ճանաչվել Ալլա Պուգաչովան եւ Զեմֆիրան, բալետի պարուհի Մայա Պլիսեցկայան, «Սովրեմեննիկի» գեղարվեստական ղեկավար Գալինա Վոլչեկը եւ գրող Լյուդմիլա Ուլիցկայան: «Մեդիա» բնագավառում թոփ հնգյակում են հայտնվել «ՌԻԱ Նովոստիի» գլխավոր խմբագիր Սվետլանա Միրոնյուկը, «ՌԵՆ ՏՎ»-ի հեռուստահաղորդավարուհի Մարիաննա Մաքսիմովսկայան, լրագող Քսենիա Սոբչակը, «Դոժդ» հեռուստաալիքի գլխավոր տնօրեն Նատալյա Սինդեեւան եւ Russia Today-ի գլխավոր խմբագիր Մարգարիտա Սիմոնյանը:
«Սպորտում» առաջին տեղում է գեղարվեստական մարմնամարզության օլիմպիական չեմպիոնուհի Ալինա Կաբաեւան: Այնուհետեւ հաջորդում են Գեղարվեստական մարմնամարզության համառուսական ֆեդերացիայի նախագահ Իրինա Վիները, թենիսիստուհի Մարիա Շարապովան, չմշկասահքի օլիմպիական չեմպիոնուհի Սվետլանա Ժուրովան եւ գեղասահքի եռակի օլիմպիական չեմպիոն Իրինա Ռոդնինան:
