նախընտրելի դարձնելՄոսկվայի ռեստորանում սպանություն է կատարվել: Լրատվամիջոցները հայտնում են, որ սպանվածն Ադրբեջանից էր, ներկայանում էր որպես բանակի սպա: Իրավապահ մարմիններում սպանվածի մասին հակասական են արտահայտվում՝ «հայտնի հարցեր լուծող» եւ շորթող խաբեբա:
Դիպուկահարը 45-ամյա Ադիլ Նազիմօղլի Մահմուդովին կրակել էր Ռոգոժսկոյե Վալուի N 19 հասցեի«Զակարպատսկիե ուզորի» ռեստորանում ընթրելիս: Տուժածը գլխի հրազենային վերքից տեղում մահացել էր:
Ուժային կառույցներում պարզաբանել են, որ սպանվածն ազդեցիկ «հարց լուծող» է եղել: Մինչդեռ մեկ այլ աղբյուր հայտնել է, որ սպանված ադրբեջանցին «բազմիցս իրավապահ մարմինների տեսադաշտում է հայտնվել շորթման եւ խաբեբայության կասկածանքով»: Հայտնի է, որ նա գործել է ուժային գերատեսչությունների աշխատակցի անվան տակ եւ գործածել է կեղծ փաստաթղթեր: Նրա մոտ հայտնաբերվել է Զինված ուժերի գնդապետի վկայական, գրում է NEWSru.com-ը:
Հաղորդվում է, որ հանցագործն իր զոհին հաստատության մուտքի մոտ չի սպասել, այլ անմիջապես ճաշասրահ է գնացել եւ տուժածին կրակել ընթրիքի ժամանակ: Այնուհետեւ մարդասպանն անարգել լքել է ռեստորանը եւ թաքնվել: Մարդասպանը եւս կովկասցու արտաքին է ունեցել:
