նախընտրելի դարձնելԵրեւանի ավագանու ընտրությունները ապաքաղաքական կլինեն: Այս մասին, այսօր` մարտի 7-ին, ասուլիսում նշեց «Սոցիոմետր» կենտրոնի ղեկավար, սոցիոլոգ Ահարոն Ադիբեկյանը:
«Քվեարկելու մոտիվացիան ընտրողների մոտ տարբեր կարող է լինել: Քաղաքապետից մարդիկ ավելի շատ աջակցություն եւ կյանքի բարելավում են սպասում»,-ասաց նա:
Սոցիոլոգի խոսքով` 2012-ի դեկտեմբերին Երեւանում անցկացված հարցման համաձայն, դժգոհությունը կապված է մասնավորեցումների, շենքերում վերելակների շահագործման հետ: «Երեւանցիների 3 ընտանիքներից միայն մեկն է դիմում տեղական իշխանության մարմինների, քանի որ մնացածը վստահ չեն, որ իրենց կաջակցեն:
Փաստացի երեւանցիների միայն 5 տոկոսն է իր խնդիրներին դրական լուծում ստանում տեղական ինքնակառավարման մարմիններում: Սոցհարցման տվյալներով, վերջին 20 տարում Երեւանի քաղաքապետների ներդրումը գնահատվել է հետեւյալ կերպ.
Տարոն Մարգարյան` մոտ 64 տոկոս
Երվանդ Զախարյան` 15 տոկոս
Կարեն Կարապետյան` մոտ 9 տոկոս
Գագիկ Բեգլարյան` 6 տոկոս
Ալբերտ Բազեյան` մոտ 3 տոկոս
Մնացած քաղաքապետներն ստացել են մոտ 1,7 տոկոս:
Լուսանկարն` Արսեն Սարգսյանի/NEWS.am
