նախընտրելի դարձնելԿանանց միջազգային օրվա առիթով ՀՀ կրթության եւ գիտության նախարար Արմեն Աշոտյանը պարգեւատրել է կրթության համակարգի մի խումբ կին ներկայացուցիչների: Շնորհավորելով կանանց՝ նախարարը շեշտել է, որ կրթության ոլորտը ամենագեղեցիկներից է, քանի որ համակարգի 43 հազար մանկավարժների, ինչպես նաեւ բուհերում սովորող ուսանողների մեծ մասը կանայք եւ օրիորդներ են:
«Մաղթում եմ, որ Ձեր գեղեցկությունը, սերն ու ջերմությունը նվիրեք աշխարհի այն փոքր անկյունին, որը դպրոց է կոչվում: Իմ ցանկությունն է, որ կրթության ոլորտի բոլոր կանայք ունենան երջանիկ անձնական կյանք, եւ իրենց երջանկության լույսը կարողոնան փոխանցել դպրոցին ու աշակերտին»,- դիմելով ներկաներին ասել է ՀՀ ԿԳ նախարարը: Ա. Աշոտյանի խոսքով կա երկու մասնագիտություն, որն իր մեջ առաքելություն է պարունակում` բժիշկը եւ ուսուցիչը. «Կին մանկավարժը ինձ համար ծանոթ կերպար է՝ այդպիսին է իմ մայրը, ով 39 տարի աշխատել է դպրոցում: Բայց հետո չդիմացավ իմ նախարար լինելու հանգամանքին եւ որոշեց լքել աշխատանքը, որովհետեւ աշխատավայրում տարաբնույթ քննադատական հարցեր էին ուղղվում, նա դժվարանում էր պատասխանել, իսկ տանը աշխատանքից խոսելը ցանկալի չէր»,- անկեղծացել է նախարարը:
Կանանց տոնի կապակցությամբ կրթության ոլորտի մի խումբ կին աշախատակիցներ նախարարի կողմից արաժանացել են ՀՀ ԿԳ նախարարության բարձրագույն պարգեւի՝ «Ոսկե հուշամեդալի»:
