նախընտրելի դարձնելՏաջիկստանի իշխանությունները Ռուսաստանից երաշխավորված ներդրումներ են պահանջում ռազմակայանի պահպանման փոխարեն: Ըստ Դուշանբեի` Մոսկվան պետք է ներդրումներ կատարի հիդրոէներգետիկայի եւ բանակի արդիականացման բնագավառում:
Մինչդեռ Ռուսաստանում Տաջիկստանի առաջարկն անվանում են անընդունելի: Ավելի վաղ ՌԴ-ն համաձայնել էր կատարել կայանի պահպանման համար անհրաժեշտ երկու պայման, գրում է «Կոմերսանտը»:
Դուշանբեի նախաձեռնությամբ Մոսկվան վերացրել էր Տաջիկստան արտահանվող նավթամթերքների արտահանման տուրքերը եւ արտոնյալ պայմաններ կիրառել այդ երկրի ներգաղթյալների համար:
Ռուսական իշխանությունները հնարավոր են համարում միջինասիական պետությունում ներդրումներ կատարելը, սակայն անընդունելի են համարում դրա հետ կայանի օգտագործման ժամկետների երկարացումը կապակցելը: Չի բացառվում, որ Մոսկվան վերացնի նախկինում կատարված զիջումները:
