Աշխատանքի միջազգային կազմակերպության կողմից ս.թ. հունիսի սկզբին հրապարակված զեկույցում նշվում է տնտեսապես զարգացած շատ երկրներում միջին խավի թուլացման մասին: Միաժամանակ նշվում է, որ Չինաստանում, Բրազիլիայում եւ Հնդկաստանում, որոնք տնտեսական բուռն զարգացում են ապրում, բնակաչությունն աստիճանաբար դուրս է գալիս աղքատությունից:

Ի դեպ, հետխորհրդային երկրներում ոչ ճիշտ կարծիք կա այն մասին, որ միջին խավը պարզապես հարուստների եւ աղքատների միջեւ գտնվող շերտն է: Ռուսաստանի ԳԱ տնտեսագիտության ինստիտուտի սոցիալական քաղաքականության կենտրոնի ղեկավար Եվգենի Գոնթմահերի կարծիքով` նման մեկնաբանության դեպքում «միջին խավին են պատկանում ընտրանիքներ, որոնց շնչին ամսական բաժին է ընկնում 13 հազ. ռուբլի եկամուտ,  ընդհանուր տարածքի 21խմ-ն, ինչպես նաեւ մարդատար մեքենայի կեսը»:

Ի դեպ, ինչ վերաբերում է մեքենային, ապա «միջին» ընտանիքը պետք է ունենա թեկուզ մեկ ավտոմեքենա կամ այն ձեռք բերելու իրական հնարավորություն: Հաշվի առնենք այս  ոչ պակաս կարեւոր գործոնը  եւ  ներկայացնենք 2001-2012 թթ. Հայաստան ներկրված ավտոմեքենաների ներմուծման դինամիկան:

 

Գծապատկերից երեւում է, որ ավտոմեքենաների ներմուծման մեջ առավելագույն ցուցանիշն արձանագրվել է մինչճգնաժամային  2008 թ-ին, հետո 2009 թ-ին զգալի անկումից հետո  նկատվել է աճի ակնհայտ միտում:

Նշենք, որ ընդհանուր ցուցանիշի մեջ միայն մարդատար ավտոմքենաների ծավալը գերազանացել է 90%-ը: Ելնելով դրանից, 2001-2012 թթ-ին եւ  ընթացիկ տարվա առաջին կիասամյակում  երկիր է ներմուծվել առնվազն 250 հազ. մարդատար ավտոմեքնա:

Եթե համարենք, որ 50 հազ. մեքենա գնվել է պետական եւ մասնավոր կազմակերպությունների, ինչպես նաեւ մի քանի հարույր «ամենահարուստ» ընտանիքների կողմից,  ապա բնակչությանը մնում է  մոտ 200 հազարը:

Պայմանականորեն ընդունենք, որ  յուրաքանչյուր ընտանիք նշված ժամանակատվածում  ձեքռ է բերել միայն մեկ մեքնեա: Ելնելով դրանից, ստացվում է, որ  Հայաստանի մշտական բնակչության մեջ «միջին խավի» մասը կազմում է 28%:

Իհարկե, ավտոմեքնեայի ձեռքբերումը դեռ չի նշանակում դասական իմաստով «միջին խավի» պատկանելություն: Կարեւոր նշանակություն ունեն նաեւ սոցիալ-հոգեբանական գործոնները, որոնք բնորոշ են զարգացած երկներում այս  խավի քաղաքացիներին:

Ալբերտ Խաչատրյան