նախընտրելի դարձնելԵգիպտոսի զբոսաշրջության նախարար Հիշամ Զազուն հրաժարական է տվել՝ ի նշան Լուքսորի նահանգապետի պաշտոնում իսլամիստ Ադել ալ Հայաթին նշանակելու դեմ բողոքի: Այս մասին նա հայտարարել է պետական հեռուստատեսության եթերում:
Եգիպտոսի վարչապետ Հիշամ Քանդիլը չի ընդունել Զազուի հրաժարականը: Իր հերթին վերջինս հայտարարել է, որ չի կատարի իր գործառույթներն այնքան ժամանակ, քանի դեռ ալ Հայաթը զբաղեցնում է նահանգապետի պաշտոնը, գրում է gazeta.ru-ն:
Նախարարի խոսքով՝ ալ Հայաթը, լինելով արմատական «Ջամաա ալ Իսլամյա» ծայրահեղական խմբավորման ղեկավարներից մեկը, համապատասխան չէ նահանգապետի պաշտոնին: Նա նաեւ հավելել է, որ տեղի ունեցածը հարված էր ամբողջ Եգիպտոսի զբոսաշրջությանը:
Ավելի վաղ Եգիպտոսի զբոսաշրջային ընկերությունների միությունը պահանջել էր փոխել Լուքսորի նահանգապետին:
