Վենեսուելայում դիմակավոր զինված վանդալների խումբը հարձակվել է Կարակասի առաջատար համալսարաններից մեկի վրա:

Դիմակավորված 20 անձինք ներխուժել են  Վենեսուելայի Կենտրոնական համալսարանի տարածք:  Նրանք մի քանի անգամ  օդ են կրակել, հետու այրել երկու ավտոբուս: Կրակը տարածվել է ռեկտորատի շենքում, որը լուրջ վնասվել է: Տուժածներ չկան, հայտնում է  vesti.ru-ն:

Ըստ համալսարանի ղեկավարության` հարձակումը վերջերս տեղի ունեցած ուսանողների բողոքի ցույցի վրեժն էր, որոնք պահանջում էին դասախոսների աշխատավարձերի եւ բուհի ֆինանսավորման   բարձրացում: