Էլեկտրականության թանակցումը ավելի մեծ ազդեցություն կունենա ալյուրի վրա, քան գազինը: NEWS.am-ի թղթակցին ասաց «Մանանա Գրեյն» ընկերության տնօրեն Գուրգեն Նիկողոսյանը: Հացահատիկից ալյուր է ստացվում էլեկտրականության  միջոցով, իսկ գազն օգատգործվում է  միայն տաքացնելու համար: 

Սակայն, իհարկե, գազից կթանկանան ապարանքներն ու ծառայությունները: Այդ թվում` մեր աշխատակիցներինը, որոնց աշխատավարձը պատրաստվում ենք ինդեքսավորել:  Սակայն մեր ինքնարժեքի մեջ էլեկտրականության դերը մեծ է: Ընդ որում` ոչ միայն մեր, այլեւ երկաթուղու, որը տեղափոխում է  մեր ցորենը»,-ասում է  Գ. Նիկողոսյանը: Բայց «Հարավկովկասյան երկաթուղի» ընկերությունը հանդես չի եկել սակագնային քաղաքականության փոփոխություններով, այնպես որ դժվար է կանխատեսել, թե ինչքան կփոխվի ալյուրի ինքնարժեքը:

Մասնագետների գնահատակններով` 1  տոննա ցորենն աղալու համար ծախսվում է  70-100կվտ էլեկտրաէներգիա:

Նշենք, որ 2013 թ. հուլիսի  7-ից խոշոր գազասպառողների համար գազի սակագինը  243,13 դրամից կդառնա  276,98 դրամ:  Կոմերցիոն բաժանորդների համար էլեկտրաէներգիայի սակագինը ցերեկային ժամերի համար  1 կվտ-ի դիմաց կդառնա 29-35 դրամ` ներկայիս 21-25 դրամի փոխարեն: