Մոսկվայում ձերբակալվել են  հարսանիքի ժամանակ  կրակոցներ արձակած անձինք: Հերթական միջադեպը գրանցվել է Վարշավյան մայրուղում: Հարսանքավորների ազգության մասին չի հաղորդվում:

Ոստիկանությունը կրակոցների մասին ահազանգ էր ստացել ժ. 10:45-ին: Կրակողների նկատմամբ հետախուզման հատուկ ծրագիր էր հայտարարվել, հայտնում է  «Ինտերֆաքսը»:

Հարսանիքի մասնակիցներից մեկի մոտ հայտնաբերվել եւ առգրավվել է տրավմատիկ ատրճանակ:

Փորձաքննության ժամանակ կպարզվի, թե հրաձգությունն արդյոք տվյալ զենքից է կատարվել: Թեեւ հարսանեկան շարասյան մասնակիցներից մեկն արդեն խոստովանել է, որ օդ է կրակել: