նախընտրելի դարձնել
Սանկտ Պետերբուրգում ոստիկանների պահանջով վաղաժամկետ դադարեցվել է նույնասեռականների իրավունքների պաշտպանությանը նվիրված հավաքը:
Ցույցին մասնակցել են երկու տասնյակ նույնասեռական ակտիվիստների եւ նրանց երկու հարյուր հակառակորդներ: Ոստիկանների խիստ հսկողության տակ գտնվող գեյերը ցույցն անցկացրել են մետաղական պատնեշից այն կողմ, ինչը, սակայն, նրանց հակառակորդներին չի խանգարել ակտիվորեն բողոքել ցույցի դեմ: Հակառակորդները, որոնց շարքում ռազմաօդային ուժերի երկնագույն գլխարկներով անձինք եւ կազակներ են նկատվել, փորձել են անցնել պատնեշը՝ գեյերին հարվածելով ձվերով, քարերով, դյուրավառ նյութերով, հայտնում է fontanka.ru-ն:
Կես ժամ անց ոստիկանությունը նախընտրել է ցույցի մասնակից նույնասեռականներին նստեցնել ավտոբուս եւ տանել անհայտ ուղղությամբ:
Ձերբակալվել են տասնյակ մարդիկ: Ձերբակալվածների թվում կան նույնասեռական ակտիվիստներ, որոնք հրաժարվել են լքել հավաքի վայրը, ինչպես նաեւ նրանց հակառակորդներ, որոնք էլ ձերբակալվել են հասարակական կարգը խախտելու համար:
