նախընտրելի դարձնել
Յակուտիայում Մի-8 ուղղաթիռի վթարի հետեւանքով զոհվել են ուղղաթիռում գտնվող 28 հոգուց 19-ը, հայտնում է Միջպետական ավիացիոն կոմիտեն (ՄԱԿ):
«Ուղղաթիռում անձնակազմի երեք անդամ եւ 25 ուղեւորներ են եղել: Անձնակազմի խոսքով՝ 19 մարդ զոհվել է, օդանավը՝ այրվել», - ասված է ՄԱԿ-ի կայքի հաղորդագրությունում:
Ավելի վաղ Հանրապետության ԱԻ հանձնաժողովի նախագահ Անատոլի Սկրեբիկինը հայտնել էր, որ անձնակազմի անդամները եւ Մի-8 ուղղաթիռի երկու ուղեւորներ ողջ են մնացել, մնացածի ճակատագիրն անորոշ է: Սկրեբիկինի խոսքով՝ ուղղաթիռում մինչեւ 12 տարեկան 11 երեխաներ են եղել:
«Ուղղաթիռում 14 մեծահասակ, մինչեւ 12 տարեկան ութ եւ մինչեւ երկու տարեկան երեք երեխա է եղել», -ասել է նա հեռախոսազրույցում եւ հավելել, որ ուղղաթիռը օդային հզոր հոսքում է հայտնվել, հետնամասով հարվածել լեռան լանջին եւ ընկել ու բռնկվել, գրում է BFM.RU-ն:
Հիշեցնենք, Դեպուտատսկի ավանից մեկնած ուղղաթիռը օդանավակայանից 45 կմ հեռվում բախվել էր լեռանը: Հաղորդվել էր, որ բարձրաստիճան անձինք են զոհվել:
