Արագածոտնի մարզի Աշտարակ քաղաքի Շահումյան փողոցի թիվ 8 տանը կատուն, հուլիսի 13-ի երեկոյան, ընկել է 5 տոննա տարողության ջրի բաքը. դուրս բերելու համար անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Հրշեջ-փրկարարները կտրել են բաքը եւ կատվին անվնաս դուրս են բերել:

Նույն օրը, ժամը 19.38-ի ահազանգ է ստացվել, որ Արարատի մարզի Արտաշատ քաղաքում շունն ընկել է լիճը, դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Ժամը 19.55-ին հրշեջ-փրկարարները շանը դուրս են բերել լճից: