Երեւանի «Նարեկացի» արվեստի միությունում  հուլիսի 19-ին, ժամը 18:00-ին կբացվի «Ճանապարհ դեպի աստղերը»  խորագրով  ցուցահանդես` նվիրված Վալենտինա Տերեշկովայի տիեզերք թռիչքի 50-ամյակին:

Ինչպես NEWS.am-ին ասաց Հայաստանում Ռոսսոտրուդնիչեստվոյի  ներկայացուցչության մամուլի ծառայության ղեկավար Լիանա Ազոյանը, ցուցահանդեսի նյութերը ներկայացվել են Ռոսսոտրուդնիչեստվոյի  կողմից` «Real Modern Pictures» հրատարակչության հետ համատեղ` օգտագործելով Ռուսաստանի թանգարանների եւ արխիվային հավաքածուների նյութերը:

Ցուցադրությունը կներկայացվի  չորս բաժիններով.

1. Դպրոցական տարիներ (1940-1950 թթ.)

2. Պարաշյուտային սպորտով  զբաղվելու ժամանակաշրջան (1959-1962թթ.)

3. Կյանքն Աստղային քաղաքում եւ առաջին թռիչքը տիեզերք (1962-1963թթ.)

4. Տերեշկովայի հասարակական-քաղաքական գործունեությունը

Փաստագրական ֆոտոքրոնիկան  հաջորդական կներկայացնի կին տիեզերագնացի կյանքի պատմությունը եւ միաժամանակ` Մարդու կողմից տիեզերքի նվաճման պատմությունը:

Ժամը 18:30 –ին տեղի կունենա Մ. Ցիգանովի «Թռիչքի մեջ ողջ կյանքն է»  ֆիլմի ցուցադրությունը: