նախընտրելի դարձնել
Բելառուսի նախագահ Ալեքսանդր Լուկաշենկոն ընդլայնել է երկրի Պետանվտանգության կոմիտեի լիազորությունները: Բելառուսի նախագահի մամուլի ծառայության ներկայացուցիչը «ՌԻԱ Նովոստիին» հայտնել է, որ համապատասխան հրամանը ստորագրվել է հուլիսի 24-ին:
Մասնավորապես, Բելառուսի ՊԱԿ-ին իրավունք է տրվում հատուկ տեխնիկական միջոցների նմուշների փորձաքննություններ անցկացնել, որոնք նախատեսված են ոչ հրապարակային տեղեկություն ստանալու համար: Նորամուծություն է նաեւ այն, որ ՊԱԿ-ը կառավարական հեռախոսային կապի ծառայություններ է մատուցելու ԱՊՀ երկրների բարձրաստիճան պաշտոնյաներին:
Փաստաթղթով հաստատվել են նաեւ Բելառուսի ՊԱԿ-ի դրույթները, ՊԱԿ-ին ենթակա զորամասերի եւ այլ կազմակերպությունների թվարկումը:
Մամուլի ծառայությունում նշել են, որ հրամանը պայմանավորված է անցյալ տարվա հուլիսին ընդունված «Պետանվտանգության մարմինների մասին» Բելառուսի օրենքի պահանջներով:
