ԱՄՆ-ի Կոնգրեսի Գերագույն պալատում անցկացվել են Գունտանամոյի բանտի փակման մասին  լսումները: Սա այդ գործի առաջին  վերանայումն է 2009թ.-ից սկսած, թեեւ  Օբաման դեռ հինգ տարի առաջ խոստացել էր փակել ուղղիչ հաստատությունը:

Բազմաթիվ բանտարկյալների անձնական գործեր այժմ վերանայվում են հատուկ հանձնաժողովի կողմից, որը պետք է վճռի՝ կմնան արդյոք նրանք ճաղերի հետեւում: Նրանց մեծամասնությանը նույնիսկ պաշտոնական մեղադրանք չէր ներկայացվել  ապացույցների բացակայության պատճառով, սակայն համարվում է, որ նրանք հավանական սպառնալիք են ներկայացնում երկրի համար եւ այդ պատճառով էլ նրանց ազատել չի կարելի, հաղորդում է Russia Today-ը:

Մինչ  լսումներն ընթանում են, Գունտանամոյում շարունակվում է հացադուլը, որին մասնակցում են տասնյակ բանտարկյալներ:  Նրանց մի մասին պարտադրաբար են կերակրում:

Այսօր Վաշինգտոնի փողոցներում մի քանի ակտիվիստներ ի նշան բողոքի հագել էին բանտարկյալների նարնջագույն հագուստ: Մի շարք պատգամավորներ դեմ են արտահայտվել ստիպողաբար կերակրելուն՝ այն ոչ բարոյական անվանելով:  Մենք լսել ենք նաեւ ռազմական բժշկի ցուցմունքները, դա հակասում է ռազմաէթիկական օրենսգրքին:  Անկասկած, հանրապետականներն անհանգստանում են, թե ինչ են անելու այդ բանտարկյալները եւ ուր են նրանց ուղարկելու: 

Հայտնի չէ, թե կանցկացվեին արդյոք այս լսումները, եթե բանտարկյալները հացադուլ չհայտարարեին: Այժմ խնդիրը պատգամավորների ուշադրության կենտրոնում է: