նախընտրելի դարձնել
Երկրորդ համաշխարհային պատերազմի ժամանակ Հռոմի հարեւանությամբ գտնվող Արդեատինի քարանձավներում զանգվածային մահապատժի զոհերի հարազատները ներողություն են պահանջում մահապատժի պատասխանատու, SS-ի նախկին կապիտան Էրիխ Պրիբկեից:
1944թ. մարտի 24-ին սպանել էին 335 իտալացու` ի պատասխան Ռազել փողոցում Դիմադրության անդամների իրականացրած հարձակման, որի հետեւանքով սպանվել էր 33 ոստիկան:
Գործողության կազմակերպիչ Էրիխ Պրիբկեն պատերազմից հետո Արգենտինա էր մեկնել, որտեղ աշխատել էր որպես ուսուցիչ: 1990-ականներին նա արտահանձնվել էր Իտալիային եւ ցմահ բանտարկության դատապարտվել ռազմական հանցագործությունների համար. հաղորդում է BBC-ի ռուսական ծառայությունը:
Սակայն ավելի ուշ դատարանը Պրիբկեին տեղափոխել էր տնային կալանքի իր փաստաբանի տանը` «հաշվի առնելով բանտարկյալի առողջական վիճակը»:
Հուլիսի 29-ին Պրիբկեն նշում է իր 100-ամյակը: Ավելի վաղ նա հրաժարվել էր ներողություն խնդրել զանգվածային մահապատժի իրագործմանը մասնակցելու համար՝ հայտարարելով, որ միայն հրաման էր կատարել:
