Հունաստանի ոստիկանության հատուկ նշանակության ջոկատի եւ խռովարար վանականների բախումներ են տեղի ունեցել երկուշաբթի առավոտյան` Աֆոնի Էսֆիգմեն մենաստանում, հայտնում է եկեղեցական նորությունների հունական Romfea.gr գործակալությունը:

Ըստ Հալկիդիկիի դատարանի որոշման` 20 վանական պարտավոր է լքել մենաստանը եւ այն հանձնել 2005թ. Կոստանդնուպոլսին հավատարիմ Աֆոնի եկեղեցական իշխանությունների աջակցությամբ ստեղծված «նոր եղբայրության» վանականներին: Մինչդեռ,  «հին եղբայրության» վանականները կես դարից ավելի է բողոքում են Տիեզերական պատրիարքի դեմ, նրանք կտրականապես հայտարարել են, որ  չեն լքելու մենաստանը:

Ոստիկանությունը փորձել է կոտրել մենաստանի դարպասները, վանականները ոստիկանների վրա այրվող նյութեր են նետել: Թեթեւ վնասվածքներ է ստացել վանականներից մեկը:  Ոստիկանները դադարեցրել են գործողությունը,  առաջիկա ժամերին սպասում են  դատախազի ժամանմանը: 

Ըստ գործակալութան՝ «նոր եղբայրությունը» հայտնում է, որ պետք է վերականգնի մենաստանը եւ արդեն ստացել է գրեթե կես միլիոն եվրո, սակայն չի կարողանում սկսել աշխատանքները, քանի դեռ  չեն արտաքսել «հին միաբանությանը», հաղորդում է «ՌԻԱ Նովոստին»: